ﺷﻬﺪ ﻋﺎﻡ 1905 ﻭﺍﺣﺪ ﺍﻟﻌﺪﺩ ﻛﺒﻴﺮ ﻣﻦ ﺍﻷﺣﺪﺍﺙ ﺍﻟﺘﺎﺭﻳﺨﻴﺔ ﻓﻜﻮﻛﺐ زُمُرُّدَة ﻟﻲ ﺣﻨﺎ ﻋﺎﻳﺸﻴﻦ ﻓﻴﻪ ، ﻭﻓﺸﺘﻰ ﺍﻟﻤﺠﺎﻻﺕ ﺑﺎﻟﺨﺼﻮﺹ ﻓﺎﻟﺴﻴﺎﺳﺔ ، ﺃﺑﺮﺯ ﻫﺎﺫ ﺍﻷﺣﺪﺍﺙ ﻫﻲ ﺍﻧﺪﻻﻉ ﺍﻟﺜﻮﺭﺓ ﺍﻟﺮﻭﺳﻴﺔ ﻑ 22 ﻳﻨﺎﻳﺮ ، ﻭﺃﺯﻣﺔ ﻃﻨﺠﺔ ﺍﻟﻤﺸﻬﻮﺭﺓ ﻧﻬﺎﺭ 31 ﻣﺎﺭﺱ ... ﺑﺎﻻﺿﺎﻓﺔ ﻻﻛﺘﺸﺎﻑ ﺃﻛﺒﺮ ﺩﻳﺎﻣﻮﻧﺪﺓ ﻓﺎﻟﻌﺎﻟﻢ ﺳﻤﻴﺘﻬﺎ " ﻛﻮﻟﻴﻨﺎﻥ " ﻣﻦ ﻋﻴﺎﺭ 3106 ﻗﺮﺍﻁ ﻟﻘﺎﻭﻫﺎ ﻓﻮﺍﺣﺪ ﺍﻟﻤﻨﺠﻢ ﻓﺠﻨﻮﺏ ﺇﻓﺮﻳﻘﻴﺎ ، ﻭﺷﻼ ﺑﻮﻛﻮ ﺃﺣﺪﺍﺙ ﻟﻲ ﺑﺴﺒﺎﺑﻬﺎ ﺍﻟﻜﺎﺭ ﻣﺎﺟﺎﺵ ﻣﻦ ﻓﺎﺱ .
ﻭﺑﺎﻟﻤﻮﺍﺯﺍﺕ ﻟﻬﺎﺫ ﺍﻟﺮﻭﻳﻨﺔ ﻛﺎﻣﻠﺔ ﻭﻫﺎﺫ ﺻﺪﺍﻉ ﺍﻟﺮﺍﺱ ﻛﺎﻥ ﻫﻨﺎﻙ ﻭﺍﺣﺪ ﺍﻟﺴﻴﺪ دَروِيش ﺩﺍﺧﻞ ﺳﻮﻕ ﺭﺍﺳﻮ ﺷﺎﺩ ﺍﻟﺘﻴﻘﺎﺭ ﻭﺩﻳﻤﺎ ﻫﺎﺭﺏ ﻣﻦ ﺍﻟﻤﺸﺎﻛﻴﻞ ، ﺳﻨﺔ 1905 ﻛﺎﻥ ﻓﺒﺪﺍﻳﺔ ﺍﻟﻌﺸﺮﻳﻨﻴﺎﺕ ﻣﻦ ﺣﻴﺎﺗﻮ ﺧﺪﻡ ﻓﻤﻜﺘﺐ ﺗﺴﺠﻴﻞ ﺑﺮﺍﺀﺍﺕ ﺍﻻﺧﺘﺮﺍﻉ ﻓﻤﺪﻳﻨﺔ ﺑﺮﻥ ( berne ) ﺍﻟﺴﻮﻳﺴﺮﻳﺔ ﺟﻤﺎﻋﺔ ﺟﻘﻤﺔ ﻣﻦ ﻭﻻﺩ ﻋﺒﻮ ﻟﻬﻴﻪ ، ﻭﻣﺮﺓ ﻣﺮﺓ ﻓﺎﻟﻌﺸﻴﺔ ﻛﺎﻥ ﺗﺎﻳﺠﻲ ﻳﺪﻱ ﻟﺒﻴﻨﺔ ﻭﺷﻲ ﺭﻳﺐ ﺑﻠﺪﻱ ﻣﻦ ﻋﻨﺪ ﺍﻟﻌﻨﺎﻳﺔ ﻭﻛﺎﻳﺪﻭﺯ ﻳﺘﻘﻬﻮﺍ ﻓﻨﺠﻤﺔ ﺁﻛﺎﺩﻳﺮ ﺯﻋﻤﺎ ﻓﺈﻃﺎﺭ ﺍﻟﻤﺴﺘﻤﻠﺤﺎﺕ ﻭﺩﺍﻛﺸﻲ ، ﻣﻬﻢ ﺧﻮﻧﺎ ﺍﻟﺪﺭﻳﻮﻳﺶ ﻟﻲ ﻏﺎﻳﺘﺴﻴﻒ ﻣﻦ ﺑﻌﺪ ﻭﺑﺎﻟﻀﺒﻂ ﻓﻬﺎﺫ ﺍﻟﺴﻨﺔ ﻟﻲ ﺩﺍﻭﻳﻦ ﻋﻠﻴﻬﺎ ( 1905 ) ﻭﻏﺎﻳﺨﺮﺝ ﻣﻦ ﺍﻟﺼﻤﺖ ﻭﺍﻟﺘﻘﻮﻗﻊ ﻟﻲ ﻛﺎﻥ ﻋﺎﻳﺶ ﻓﻴﻬﻢ ﻭﻏﺎﻳﻤﺸﻲ ﻟﺴﺒﻮﺭﺓ ﺍﻟﻌﻴﻠﻢ ﻭﻓﺈﻳﺪﻳﻪ ﺳﺘﻴﻠﻮ ﺣﻤﺮ ﻭﻏﺎﻳﻐﻨﻲ ﻟﻴﻬﻢ ﺷﺨﺒﻂ ﺷﺨﺒﻴﻂ ﻟﺨﺒﻂ ﻟﺨﺒﻴﻂ .
ﻭﺍﻳﻴﻴﻪ ﺩﻳﺰ ﻣﺎﻥ ﻓﻬﺎﺫ ﺍﻟﻌﺎﻡ ( 1905 ) ﺭﺍﻩ ﻣﺎﺷﻲ ﻏﻴﺮ ﺟﺎﺏ ﺷﻲ ﺣﺎﺟﺔ ﺟﺪﻳﺪﺓ ﻭﺑﻤﻴﻜﺘﻬﺎ ﺑﻞ ﺃﻛﺜﺮ ﻣﻦ ﺩﻟﻚ ﺭﺍﻩ ﺑﺪﻉ ﺑﻮﺍﺣﺪ ﺍﻟﻄﺮﻳﻘﺔ ﻣﻨﻘﻄﻌﺔ ﺍﻟﻨﻈﻴﺮ ﺑﺎﺵ ﺻﺎﻍ ﺍﻟﻨﻈﺮﻳﺔ ﺍﻟﻤﺸﻬﻮﺭﺓ ﺗﺎﻋﻮ ﻭﻟﻲ ﺍﻟﻜﺒﻴﺮ ﻓﻴﻨﺎ ﻭﺍﻟﺼﻐﻴﺮ ﻛﺎﻳﻌﺮﻓﻬﺎ ﻭﻻ ﻓﺎﻳﺖ ﺳﺎﻣﻊ ﺑﻴﻬﺎ ، ﻫﺎﺫ ﺍﻟﻨﻈﺮﻳﺔ ﻟﻲ ﺯﻋﺰﻋﺎﺕ ﺍﻟﻌﻴﻠﻢ ﻭﺷﻴﺒﺎﺕ ﺍﻟﻌﻮﻻﻣﺔ ﺳﻤﻴﺘﻬﺎ ﺍﻟﻨﺴﺒﻴﺔ ﺍﻟﺨﺎﺻﺔ ( ﺣﻴﺖ ﻛﺎﻳﻨﺎ ﺍﻟﻨﺴﺒﻴﺔ ﺍﻟﻌﺎﻣﺔ ﻧﺸﺮﻫﺎ ﺳﻨﺔ 1915 ﻭﻫﺎﺫﻱ ﺗﺎﻫﻴﺎ لَعفُو ﺃﺭﻳﺠﺎﻝ ﺍﻟﺒﻼﺩ ) .
ﺇﻭﺍ ﺑﻼ ﺷﻚ ﺧﻮﻧﺎ ﻋﺮﻓﺘﻮﻩ ﺃﻳﻴﻴﻴﻴﻴﻪ ﺃﻟﺒﺮﺕ ﺃﻳﻨﺸﻄﺎﻳﻦ ﻟﻲ ﺗﺰﺍﺩ ﻓﺒﻼﺩ ﺍﻟﻌﻤﺔ ﻣﻴﺮﻛﻞ ، ﺗﺮﻳﻜﺖ ﺑﻮﺷﻌﻴﺐ ﻫﻴﺘﻠﺮ ﻭﺑﺎﻟﺘﺤﺪﻳﺪ ﻓﻤﺪﻳﻨﺔ ﺳﻤﻴﺘﻬﺎ ﺃﻭﻟﻢ ( ulm ) ﺳﻨﺔ 1879 ﻫﺠﺮﻳﺔ ، ﺩﻭﺯ ﻳﺎﻣﺎﺕ " ﻃﺮﻳﻖ ﺍﻟﻠﻴﺴﻲ ﻭﻳﺎ ﺩﻻﻟﻲ " ﻓﻤﻴﻮﻧﺦ ( ﻓﻼﻧﻤﺎﻥ ) ﻭ ﻛﺎﻧﻮ ﻋﺎﻳﺸﻴﻦ ﻓﻮﻕ ﺍﻟﺴﻠﻚ ، ﻣﻦ ﺑﻌﺪ ﺗﺤﻨﺴﺮﺍﺕ ﺍﻟﻘﺪﻳﺔ ﻋﻨﺪﻫﻢ ﻓﻮﺍﺣﺪ ﺍﻟﻤﻌﻤﻞ ﺗﺎﻉ ﻭﺍﻟﻴﺪﻳﻪ ﻭﻫﻴﺎ ﻓﻴﻦ ﻗﺮﺭﻭﺍ ﻳﺨﻮﻳﻮ ﺍﻟﺒﻼﺩ ، ﻗﺼﺪﻭﺍ ( ﻭﺍﻟﻤﻘﺼﻮﺩ ﺍﻟﻠﻪ ) ﺭﺿﻰ ﺍﻟﻄﺎﻟﻴﺎﻧﻲ ﻭ ﺍﻟﺸﻬﺎﺩﺓ ﻟﻠﻪ ﺍﻟﺴﻴﺪ ﻃﻠﻊ ﺍﻟﺮﺟﻮﻟﺔ ﻭﻗﻒ ﻣﻌﺎﻫﻢ ﺗﺎ ﺩﺑﺮﻭﺍ ﻓﻮﺍﺣﺪ ﺍﻟﺒﺮﺗﻮﺵ ﻓﻤﻴﻼﻧﻮ ﺿﺮﺑﻮﺍ ﻓﻴﻪ ﻋﺎﻡ ﻭﻣﻦ ﺗﻤﺎ ﻗﻠﺒﻮﻫﺎ ﻟﺴﻮﻳﺴﺮﺍ ...
ﻓﻴﻦ ﺧﻠﻴﻨﺎﻫﺎ؟ ﻑ 1905 ، ﻫﺎﺫ ﺍﻟﺴﻨﺔ ﺷﻜﻼﺕ ﻧﻘﻄﺔ ﺍﻧﻌﻄﺎﻑ ﺑﺎﻟﻨﺴﺒﺔ ﻝ ﺍﻧﺸﻄﺎﻳﻦ ، ﺣﻴﺖ ﺑﺎﻻﺿﺎﻓﺔ ﻟﻠﻤﻘﺎﻝ ﺗﺎﻉ ﺍﻟﻨﺴﺒﻴﺔ ﺍﻟﺨﺎﺻﺔ ( ﻟﻲ ﻛﺎﺗﻬﻀﺮ ﻋﻤﻮﻣﺎ ﻋﻠﻰ ﺍﻟﺰﻣﺎﻥ ﻭﺍﻟﻤﻜﺎﻥ ﻭﺍﻟﻜﺘﻠﺔ ﻭﺍﻟﻄﺎﻗﺔ ) ، ﺭﺍﻩ ﻧﺸﺮ ﻣﻘﺎﻝ ﻋﻠﻤﻲ ﻋﻠﻰ ﻭﺍﺣﺪ ﺍﻟﺴﺘﻮﻥ ﺳﻤﺎﻩ ﺍﻟﺤﺮﻛﺔ ﺍﻟﺒﺮﺍﻭﻧﻴﺔ ﻣﺘﻌﻠﻘﺔ ﺑﺤﺮﻛﺔ ﺍﻟﺠﺰﻳﺌﺎﺕ ﻭﻫﻲ ﻟﻲ ﺧﺪﺍ ﺑﻴﻬﺎ ﺍﻟﺪﻛﺘﻮﺭﺍﻩ ﺣﻴﺖ ﻫﻴﺎ ﻟﻲ ﻧﺸﺮﻫﺎ ﺍﻻﻭﻟﻰ( ﻛﺎﻧﺖ ﻣﻮﺿﻮﻉ ﺍﻷﻃﺮﻭﺣﺔ ﺩﻳﺎﻟﻮ ) ، ﻭﺃﻳﻀﺎ ﻓﻨﻔﺲ ﺍﻟﺴﻨﺔ ﻧﺸﺮ ﺛﻼﺛﺔ ﺍﻟﻤﻘﺎﻻﺕ ﻋﻠﻤﻴﺔ ﺃﺧﺮﻯ ﻣﻦ ﻏﻴﺮ ﻫﺎﺩﻭ ﻟﻲ ﺩﻛﺮﻧﺎ ﻭﻣﻦ ﺑﻴﻦ ﻫﺎﺫ ﺍﻟﺘﻼﺛﺔ ﺍﻵﺧﺮﻳﻦ ، ﻣﻘﺎﻝ ﻣﺠﻬﺪ ﺑﺰﺍﻑ ﻋﻠﻰ " ﺍﻟﻤﻔﻌﻮﻝ ﺍﻟﻜﻬﺮﺿﻮﺋﻲ " ( effet photoélectrique ) ، ﻫﺎﺫ ﺍﻟﻤﻘﺎﻝ ﺟﺎﻭﺏ ﺑﻴﻪ ﻋﻠﻰ ﺷﻲ ﺑﻼﻧﺎﺕ ﻣﺘﻌﻠﻘﻴﻦ ﺑﻄﺒﻴﻌﺔ ﺍﻟﻀﻮﺀ ( ﻣﺎﺷﻲ ﺍﻟﻜﻬﺮﺑﺎﺀ ﺯﻋﻤﺎ la lumière ) ﻭﺗﺄﺛﻴﺮ ﺩﻳﺎﻟﻬﺎ ﻋﻠﻰ ﺍﻟﻤﺎﺩﺓ ﻭﻫﺎﺩﺷﻲ ﻛﺎﻥ ﺑﺤﺎﻝ ﺍﻟﻠﻐﺰ ﺑﺎﻟﻨﺴﺒﺔ ﻟﻠﻌﻮﻻﻣﺔ ، ﻭﻫﺎﺫ ﺍﻟﻤﻘﺎﻝ ﺍﻷﺧﻴﺮ ﻟﻲ ﺫﻛﺮﻧﺎ ﺭﺍﻩ ﻗﻠﻴﻴﻴﻴﻞ ﺍﻟﻨﺎﺱ ﻟﻲ ﻋﺎﺭﻓﻴﻨﻮ ﻭﺭﺍﻩ ﻫﻮ ﻟﻲ ﺧﺪﺍ ﻋﻠﻴﻪ ﺟﺎﺋﺰﺓ ﻧﻮﺑﻞ ﻑ 1921 ﻭﻣﺎﺷﻲ ﻋﻠﻰ ﺍﻟﻨﺴﺒﻴﺔ ﻛﻴﻔﻤﺎ ﻛﺜﻴﺮ ﺗﺎﻉ ﺍﻟﻨﺎﺱ ﻏﺎﻟﻄﻴﻦ.
ﺇﻻ ﻻﺣﻈﺘﻮﺍ ﺩﻭﻳﻨﺎ ﻏﻴﺮ ﻋﻠﻰ ﺑﻌﺾ ﺍﻻﻧﺘﺎﺟﺎﺕ ﺗﺎﻉ ﺃﻳﻨﺸﻄﻴﻦ ﻓﺴﻨﺔ 1905 ﻷﻧﻬﺎ ﻛﺎﻧﺖ ﺑﺪﺍﻳﺔ ﻟﻤﺴﻴﺮﺓ ﻣﻠﻴﺌﺔ ﺑﺎﻟﻌﻄﺎﺀﺣﻴﺘﺎﺵ ﻻﺟﻴﻨﺎ ﻧﻬﻀﺮﻭﺍ ﻋﻠﻰ ﺣﻴﺎﺗﻮﺍ ﻛﺎﻣﻠﺔ ﻭﺍﻻﻧﺠﺎﺯﺍﺕ ﺩﻳﺎﻟﻮ ﻭﻏﻴﺮ ﺍﻟﻤﻘﺎﻻﺕ ﺍﻟﻌﻠﻤﻴﺔ ﻟﻲ ﻛﺎﻳﺘﺠﺎﻭﺯﻭ ،300 ﺭﺍﻩ ﻣﺎﻳﻜﻔﻴﻨﺎﺵ ﺩﻓﺘﺎﺭ 100 ﻭﺭﻗﺔ ﺑﻼ ﺳﻠﻚ .
ﻭﻧﺰﻳﺪﻛﻢ ﺧﻮﻧﺎ ﺭﺍﻩ ﻛﺎﻥ ﻧﺰﻕ ﻣﻦ ﺻﻐﺮﻭﺍ ، ﺭﺍﻩ ﺗﺨﻠﻰ ﻋﻠﻰ ﺍﻟﺠﻨﺴﻴﺔ ﺍﻻﻟﻤﺎﻧﻴﺔ ﻣﺎﺑﻴﻦ 1896 ﻭ 1901 ﻏﻴﺮ ﺑﺎﺵ ﻣﺎﻳﺪﻭﺯﺵ ﺍﻟﺘﺠﻨﻴﺪ ﺍﻻﺟﺒﺎﺭﻱ ، ﻭﺧﺪﻯ ﺷﻼ ﺟﻨﺴﻴﺎﺕ ﻣﻦ ﺑﻌﺪ ، ﻭﺗﻐﺮﺏ ﺑﺰﺍﻑ ﻭﺷﺤﺎﻝ ﻫﻮ ﺧﺎﺭﺝ ﻋﻠﻰ ﺑﻼﺩﻭ ﺗﺎﻝ ﻭﺍﺣﺪ ﺍﻟﻨﻬﺎﺭ ﻛﺎﻥ ﻣﺮﻳﺢ ﻣﺎﻋﻠﻴﻪ ﻣﺎﺑﻴﻪ ﺗﺎﻟﻘﺎ ﺭﺍﺳﻮ ﻛﺎﻳﺘﻔﺮﺝ ﻓﺒﺮﻭﻣﻴﺎﻥ ﻭﺑﺎﻟﻀﺒﻂ ﻓﻮﺟﻊ ﺍﻟﺘﺮﺍﺏ ﻭﻏﺮﻏﺮﻭ ﻋﻴﻨﻴﻪ ﻭﻋﺎﻭﺩ ﺭﺟﻊ ﻟﺒﻼﺩﻭ ﻭﺑﺪﺍ ﻣﻌﺎﻫﻢ ﻣﺎﺗﺶ ﺟﺪﻳﺪ ﺗﺎﻭﺻﻼﺕ ﺩﻗﻴﻘﺔ 1933 ﻓﻴﻦ ﺧﺪﺍ ﻣﺴﻴﻮ ﺑﻮﺷﻌﻴﺐ ﻫﺘﻠﺮ ﺍﻟﺤﻜﻢ ﻭﻧﻈﻢ ﺣﻤﻠﺔ " ﺑﻮﻧﻀﻴﻒ " ﺿﺪ ﺍﻟﻴﻬﻮﺩ ﻧﺎﺽ ﺃﻳﻨﺸﻄﻴﻦ ﺟﻤﻊ ﺣﻮﺍﻳﺠﻮ (حيت اصلو يهودي) ﻭﺣﻠﻒ ﻣﺎﻳﻜﻤﻞ ﻣﻌﺎﻫﻢ ﺍﻟﻤﻴﻄﺎ ﻓﻬﺎﺩﻳﻚ ﺍﻟﺒﻼﺩ.
ﺇﻭﺍ ﺭﺍﻩ ﻋﻄﺎ ﺍﻟﻠﻪ ﻣﺎﻳﺘﻘﺎﻝ ﻋﻠﻰ ﻫﺎﺫ ﺍﻟﻌﺎﻟﻴﻢ ﻭﺍﻟﻜﻼﻡ ﻋﻠﻴﻪ ﺷﻴﻖ ﻟﻜﻦ ﺍﻟﻮﻗﺖ ﺫﻳﻖ ﻭﻧﺨﺸﻰ ﺃﻥ ﻧﻌﻴﻖ ، ﻭﺑﻐﻴﺖ ﻏﻴﺮ ﻟﻲ ﻳﻔﻬﻤﻨﻲ ﻗﻀﻴﺔ ﻭﺣﺪﺓ ، ﻛﻴﻔﺎﺵ ﻏﺎﺩﻱ ﻧﺘﻘﺪﻣﻮﺍ ﻭﻧﺰﻳﺪﻭﺍ ﺍﻟﻘﺪﺍﻡ ﻭﺣﻨﺎ ﺩﺍﻛﺸﻲ ﻟﻲ ﻛﺎﻧﻌﺮﻓﻮﺍ ﻋﻠﻰ ﺃﺑﻴﺪﺍﺭ ﻭﺳﻴﻨﺎ ﻭﺍﻷﻣﺜﺎﻝ ﺩﻳﺎﻟﻬﻢ ﻣﺎﺗﻨﻌﺮﻓﻮﺍ ﺣﺘﺎ ﻧﺺ ﻣﻨﻮ ﻋﻠﻰ ﻋﺒﻘﻮﺭ ﺑﺤﺎﻝ ﺃﻳﻨﺸﻄﻴﻦ؟