هيرو تطلق حملة العيد للجميع
برشيد الغد : رسالة هيرو فاملي
بعد نجاح الخيمة الرمضانية لإفطار المحتاجين و عابر سبيل إن شاء الله هاد سنة فكرنا فواحد لبادرة ديال حملة العيد للجميع تحت شعار كلنا معيدين باش نعاونو الناس المحتاجين لي مغاداش تعيد من الأرامل والأيتام.
وقبل متفكر تعاون أو تفكر تنتاقض الفكرة حاول تفكر حديث النبي صلى الله عليه وسلم" من كان في عون أخيه كان الله في عونه" وفي معنى حديث أخر لي مشا فحاجة خوه حتى قضاها خير ليه ما يمكث فمسجد النبي صلى الله عليه وسلم.
وحنا ولاد الشعب كنفكرو فبعضياتنا لأننا كنعرفو بقيمة تحنسيرة والاحتياج.
لهذا أصدقائي الغاليين غادي نبداو بهاد الحملة وهي كتالي.
الا استطعت تكون مجموعة فمدينتك كان أفضل وتجمع من عند الناس ولو غير 20 درهم لواحد , سي نو بغيتي تشارك معا مجموعة هيرو فاميلي فرع برشيد غادي تساهم باش ما قسم ليك الله وان شاء الله ديك الفرحة لي غدخل على شي أسرة تلقاها قدامك يوم القيامة.
والناس ديال برشيد لي بغا يشارك ان شاء الله مرحبا بيه والله يفتح عليك دنيا وأخرة وكيما كيقول المثل دير الخير ونساه.
وقال صلى الله عليه وسلم" ما نقص مال من صدقة"
وشكرا للجميع ونتمناو من الله القبول
للإتصال و الاستفسار : 0665852540