Modawenon

مقال بالدارجة : جمعو زبلكم علينا

رفع الصور
رفع الصور

مقال بالدارجة : جمعو زبلكم علينا
 برشيد الغد : زكرياء البرجي

 قبل ما نديو و نجيبو في الكلام هاد مقال بالدارجة فقرة كل سيمانة ناقشو فيها موضوع ولا قضية ولا ظاهرة حيت جربنا كل الطرق باش نوصلو ميساج لاكن والو قلنا نجربو الدارجة على الله .

 العيد الكبير هي مناسبة دينية كيقدسوها المغاربة بشكل كبير و لي فيها شعيرة ذبح الاضحية ، لكن مغندويوش على هاذ السنة و لا نفصلو فيها و غندويو على ما بعد هاد الاضحية الازبال و النفايات .

 قبل العيد تكلفات المقاطعات بخمسة بتفراق الميكات على المواطنين واخة بعض المواطنين ما وصلهم والو ، هاذ الميكا باش يدار فيها داك المخلفات تاع العيد . لكن بعد الذبيح و السليخ الا خرجتي لشي زناقي تلقا جبال من النفايات مشتا هنا و لهيه و بطريقة عشوائية و تا ديك الميكة قليل فين تلقاها ، هاذ التصرف لي كيخليك طرح شحال من سؤال و سؤال و لول فيه شكون المسؤول على هاذ الحريرة .

 كاين لي كيقول المواطن لي كيجي و يلوح فين مكان و مكيجمعش زبل ديالو و يقادو ، و كاين لي كيقول المشكل في الشركة لي مكلفة بالنظافة مقامتش بالخدمة ديالها كما هو في بعض الاحياء و لي قالو انها غتخدم نهار العيد ، و البعض الاخر لي كيقول مجاتناش الميكة و وحدين خرين مكينينش هنا يقلب ولا يشقلب و ضارب الدنيا بطالون يدجمع زبل و لا يكلس .

 في حين كيبان ان المسؤولية مشتركة مع كول هاذ الناس لي قلنا و كل واحد من هاذو دار شويا من خدمتو كون بلادنا زينة ، لكن لا حياة لمن تنادي .

ليست هناك تعليقات:
إرسال تعليق