فقرة المرأة : بسطيلات صغار بالطون (فرديين)
برشيد الغد : حليمة لرطب
🔴مقادير بسطيلات صغار بالطون والشعرية الصينية:
بصلة مفرومة ناعمة
حبة فلفل حلو مقطعة مكعبات صغيرة
2 علبة تونة مصفاة من الزيت
الشعرية الصينية 2 اكياس من حجم الصغير
قليل من قزبر جاف ومطحون
2 معالق كبار ربيع مقطع رقيق
1 معلقة كبيرة من معجون الطماطم
ورق الغار (ورق سيدنا موسى)
ضامة البنة الحوت
قليل من زيت
2 معالق عطرية بسطيلة بالحوت (كتباع عند مول العطرية)
زيتون اخضر مقطع
نصف زلافة من كالامار مقطع
نصف زلافة فطر اسود
نصف زلافة من قمرون صغير صحيح
معلقة كبيرة هريسة
ورق بسطيلة 1kg
⭕طريقة تحضير بسطيلات بالطون والشعرية الصينية:
في مقلة على عافية مهيلة نقليو البصل في الزيت مع الفلفل وجميع التوابل و نصف كاس صغير من الماء .
وقلبي الخليط جيدا ونزيدوا معجون الطماطم ثم بعد ذلك ناخد داك الكلامار نديرو يتسلق واحد شوية يدخلو طياب مزيان نصفيه ونزيدوا على البصلة هو والقمرون و الفطر ونخليوها تقلا مزيان حتى يطيب الخليط ومن بعد نزيد الشعرية الصينية بعد ما نديرها في ماء ساخن مدة 5 دقائق وتصفيتها وتقطيعها .
نقلب الشعرية مع الخليط ونزيد الزيتون والطون والمعدنوس والعطرية
نحيد المقلاة على العافية ونخلي الحشوة تبرد مزيان.
من بعد نأخذ الورقة ديالي وندير فيها شوية الحشوة ونجمع الأطراف ونلويهم باش تجيني بحال الوردة من لفوق
وندهنا بشوية ديال الزيت وندخلها لفران طيب.
💡💡ملاحظة: تقدري تعمريها و تخليها فالفريكو تشد راسها من بعد جمعي كل وحدة بوحدها بالبلاسيك الغذائي ومن بعد جمعي كلشي فبلاستيكة كتسد وخليهم فالفريكو الوقت لبغيتيهم جبديهم قبل يترخفوا ومن بعد دخليهم الفران كيجيو بحالا جداد عاد صوبتيهم